Ihara Kuleja zvolnili z pasady kiraŭnika redakcyi navin «Biełsata»
Ihar Kulej zvolnieny z pasady kiraŭnika redakcyi navin telekanała «Biełsat», paviedamlaje Reform.news sa spasyłkaj na krynicy, znajomyja ź situacyjaj.
02.12.2024 / 23:12
Ihar Kulej. Fota: IA / Biełsat
Pavodle infarmacyi Reform.news, jość dźvie viersii zvalnieńnia — aficyjnaja i nieaficyjnaja.
Aficyjna žurnalist sychodzić z adnoj z klučavych pazicyj na «Biełsacie» ŭ suviazi z rearhanizacyjaj kanała i stvareńniem biełaruskaj redakcyi ŭ ramkach TVP World.
Ale jość i inšaja viersija. Pavodle jaje, u kalektyvie nibyta ŭźnik kanflikt paśla sychodu z pasady vykanaŭcy abaviazkaŭ kiraŭnika «Biełsata» Alaksieja Dzikavickaha i pryznačeńnia na pasadu hałoŭnaj redaktarki Aliny Koŭšyk. Jaho prajavaj stała niaprostaje intervju z Alinaj Koŭšyk, jakoje ŭziaŭ Siarhiej Padsasonny. Kanflikt z hetaj nahody byccam by pryvioŭ da taho, što adzin ź viadučych žurnalistaŭ pakidaje svaju pasadu.
Alaksiej Dzikavicki daterminova pakidaje «Biełsat»
Alinu Koŭšyk spytali, čamu hałoŭnaj redaktarkaj «Biełsata» stała jana, a nie Alaksiej Dzikavicki