Za «zdradu dziaržavie» sudziać supracoŭnika novastvoranaha Departamienta kryminalnaj raźviedki
U Minskim haradskim sudzie 19 śniežnia pačnuć razhladać spravu suprać 35-hadovaha Alaksandra Kudreviča.
02.12.2024 / 14:05
Jaho abvinavačvajuć pavodle č. 3 art. 361-1 KK (udzieł u ekstremisckim farmavańni) i č. 2 art. 356 KK (zdrada dziaržavie, ździejśnienaja słužbovaj asobaj, jakaja zajmaje adkaznaje stanovišča, abo asobaj, na jakuju raspaŭsiudžvajecca status vajskoŭca). Spravu budzie razhladać Luboŭ Simachina, piša «Viasna».
Vierahodna, jon pracavaŭ u Departamiencie kryminalnaj raźviedki, jaki padaŭ suprać Alaksandra pazoŭ za pryčynieńnie majomasnaj škody.
Alaksandra zatrymali, vierahodna, u studzieni. Pavodle infarmacyi ŭ jahonych sacsietkach, mužčyna žanaty, u 2014 hodzie skončyŭ BDUIR.