31 «šachied» za noč zachodziŭ u Biełaruś, niekatoryja paŭtorna, niekalki źnikli
Drony prachodzili praz «biełaruski kalidor», zalatali ŭ kirunku Łojeva, Brahina, Rečycy, Mazyra, Homiela i Chojnikaŭ.
02.12.2024 / 13:36
Karta: Biełaruski Hajun
U noč z 1 na 2 śniežnia zafiksavany 31 zachod rasijskich dronaŭ-kamikadze typu «šachied» u Biełaruś z Ukrainy i Rasii, paviedamlaje Biełaruski Hajun.
Drony prachodzili praz «biełaruski kalidor», zalatali ŭ kirunku Łojeva, Brahina, Rečycy, Mazyra, Homiela i Chojnikaŭ, a adzin ź ich ruchaŭsia ŭ kirunku RB, raźviarnuŭsia i vylecieŭ u RF, adtul na razvarot u RB, nad Biełaruśsiu jašče adzin razvarot i nazad u Rasieju.
Pieršy zachod zafiksavany ŭ 23: 03, dron zalacieŭ praz Kamaryn u «Biełaruski kalidor» i prajšoŭšy nad RB vylecieŭ na Čarnobyl.
Dalejšyja zachody: 23:19 (4), 23:27, 23:33, 00:10 (2ch), 00:16 (2ch), 00: 21 (2ch), 00:25 (2ch), 00:38, 00:43, 01:04, 01:09, 01:20, 01:23, 01:38, 01:58, 02:25 (2ch), 03:03, 03:08, 03:14 (2ch) i 04: 30.
Za noč dziažurnaja avijacyja VPS RB nie padymałasia. Pavodle źviestak Pavietranych sił USU, za noč nad terytoryjaj Biełarusi i RF byli łakacyjnyja stračanyja 6 BPŁA.