U Biełarusi pačałosia abmierkavańnie prajekta Kodeksa ab achovie zdaroŭja
Zaŭvahi i prapanovy možna vykazać da 9 śniežnia 2024 hoda.
02.12.2024 / 10:53
Fota: Minzdaroŭja
Ministerstva achovy zdaroŭja prapanuje abmierkavać prajekt Kodeksa Respubliki Biełaruś ab achovie zdaroŭja.
Kodeksam urehulavany važniejšyja hramadskija adnosiny, źviazanyja z realizacyjaj kanstytucyjnaha prava hramadzian na achovu zdaroŭja, uparadkavana i aktualizavana zakanadaŭstva ŭ halinie achovy zdaroŭja, zabiaśpiečana jaho zručnaść u prymianieńni, havorycca ŭ abhruntavańni źmienaŭ.
Kadyfikavany vosiem zakonaŭ Biełarusi: «Ab achovie zdaroŭja», «Ab akazańni psichijatryčnaj dapamohi», «Ab dapamožnych repraduktyŭnych technałohijach», «Ab transpłantacyi orhanaŭ i tkanak čałavieka», «Ab abarocie lekavych srodkaŭ», «Ab donarstvie kryvi i jaje kampanientaŭ», «Ab sanitarna-epidemijałahičnym dabrabycie nasielnictva», «Ab papiaredžańni raspaŭsiudžvańnia zachvorvańniaŭ, jakija pradstaŭlajuć niebiaśpieka dla zdaroŭja nasielnictva, virusa imunadeficytu čałavieka».
U kodeks taksama ŭklučany asobnyja normy aktaŭ prezidenta, pastanoŭ Savieta Ministraŭ i Ministerstva achovy zdaroŭja, havorycca ŭ abhruntavańni.
Arhanizatar hramadskaha abmierkavańnia — Ministerstva achovy zdaroŭja.
Svaje zaŭvahi i prapanovy možna vykazać u śpiecyjalnaj temie na Pravavym forumie Biełarusi pa 9 śniežnia 2024 hoda.