Манашкі са Свята-Елісавецінскага манастыра зноў у Еўропе. На гэты раз гандлююць у польскім Шчэціне
Беларусы папярэджваюць людзей, каб нічога ў іх не куплялі.
01.12.2024 / 21:38
На кірмашы ў Шчэціне. Фота: тэлеграм-канал @menskrazam_info
На святочным кірмашы ў польскім горадзе Шчэцін заўважылі манашак са Свята-Елісавецінскага манастыра.
Беларусы, якія жывуць там, рашылі зладзіць невялікі пікет каля іх палаткі. Яны сталі побач з плакатамі «Купляючы тут, падтрымліваеце расійскую агрэсію ва Украіне» і «Купляючы тут, падтрымліваеце катаванні ў турмах Беларусі».
Манашкі далёка не першы раз выязджаюць гандляваць у Еўропу. Пры гэтым вядома, што манастыр падтрымлівае расійскую агрэсію ва Украіне. Напрыклад, летась у Баранавічах манастыр праводзіў фестываль, дзе збіралі дапамогу Данбасу і агітавалі пісаць лісты акупантам. Праводзілі таксама Z-канцэрт — на сцэне былі партрэты «Матаролы», Захарчанкі, Пушыліна.
Вядомы таксама выпадкі, калі з падворка манастыра мужчыны ехалі на вайну.
У студзені кірмаш манашак у Славакіі адмянілі.
Свята-Елісавецінскі манастыр арганізоўвае кінапрэм'еру расійскай агіткі