Pažar adbyŭsia na składzie Minskaha instrumientalnaha zavoda — dva čałavieki špitalizavanyja
Pažar adbyŭsia ŭ składskim pamiaškańni na terytoryi ZAT «Minski instrumientalny zavod» siońnia ranicaj. Ratavalnikam paviedamili ab pažary ŭ 9 hadzin 2 chviliny. Dva čałavieki špitalizavanyja.
01.12.2024 / 14:10
Fota: MNS
Jak vyśvietliłasia, u arandavanym składskim pamiaškańni na płoščy 20 kv.m adbyłosia zaharańnie — hareli akumulatary, płastykavyja vyraby i elektryčny pahruzčyk, piša Biełta.
Da prybyćcia pažarnych budynak samastojna pakinuli dva mužčyny, 1979 i 1983 hoda naradžeńnia. Jany byli špitalizavanyja z apiokami i atručeńniem praduktami hareńnia.
Pažar likvidavany. Śpiecyjalisty vyśviatlajuć pryčynu zdareńnia.