Siryjskija ŭłady zajavili pra vyvad vojskaŭ z Alepa
Siryjskija ŭłady 30 listapada abviaścili pra «časovy vyvad vojskaŭ» z horada Alepa na paŭnočnym zachadzie krainy dla padrychtoŭki kontrnastupleńnia suprać paŭstancaŭ, paviedamlaje ahienctva Reuters.
30.11.2024 / 18:01
Na adnoj z płoščaŭ Alepa. Fota: AP Photo/Ghaith Alsayed
Siryjskija vajskoŭcy zajavili, što vyvad vojskaŭ źjaŭlajecca častkaj namahańniaŭ pa pierahrupavańni pierad prybyćciom padmacavańnia dla pačatku kontrnastupleńnia.
Taksama jany dadali, što dziasiatki sałdat byli zabityja ci paranienyja ŭ žorstkich bajach z paŭstancami ŭ Alepa i Idlibie za apošnija niekalki dzion.
Raniej krynicy Reuters paviedamlali, što siryjskaja armija atrymała zahad ab «biaśpiečnym vyvadzie vojskaŭ» z asnoŭnych rajonaŭ Alepa, u jakija ŭvajšli paŭstancy. Siryjskija ŭłady zakryli aeraport Alepa, a taksama ŭsie darohi, jakija viaduć u horad u subotu, pakolki paŭstancy dasiahnuli horada.
Sa słoŭ krynic, Rasija paabiacała Damasku dadatkovuju vajskovuju dapamohu, kab pieraškodzić paŭstancam, i novaja technika pačnie prybyvać ciaham nastupnych 72 hadzin.
Rasijskaja avijacyja naniesła ŭdary pa Alepa — upieršyniu z 2016 hoda
U subotu ŭłady Siryi zakryli aeraport Alepa i ŭsie darohi, što viaduć u horad
Siryjskija paŭstancy pierajšli ŭ nastup pad Alepa, siarod zahinułych mohuć być vahnieraŭcy