U Hrodnie pa «ekstremisckim» administracyjnym artykule sudziać viadomaha režysiora
U sudzie Leninskaha rajona Hrodna sudziać Aleha Žuhždu. Vierahodna, heta hałoŭny režysior Hrodzienskaha abłasnoha teatra lalek — jaho proźvišča davoli redkaje, piša Hrodna.life.
26.11.2024 / 14:20
Praces pa art.19.11 č.2 KaAP za raspaŭsiud ekstremisckich materyjałaŭ projdzie 26 listapada. Sudździa — Natalla Horbač.
Žuhžda — uradženiec Vilni. U Hrodzienskim abłasnym teatry lalek z 2000 hoda. Łaŭreat i dypłamant mižnarodnych fiestyvalaŭ.
Maje mnostva rehalij — nahrudny znak «Za ŭkład u raźvićcio kultury Biełarusi», pryz Biełaruskaha sajuza teatralnych dziejačaŭ «Kryštalny aniołak» — «Za ŭkład u raźvićcio biełaruskaha teatra lalek». Uznaharodžany taksama miedalom Skaryny, premijaj imia Dubko jak «Režysior hoda», maje zvańnie «Čałaviek hoda Hrodzienščyny 2014», Zasłužany dziejač mastactvaŭ Respubliki Biełaruś.