U Chojnickim rajonie voŭk napaŭ na vartaŭnika, a potym na milicyjanieraŭ, jakija pryjechali na vyklik
Kala 5 ranicy 26 listapada ŭ milicyju pastupiła paviedamleńnie ab napadzieńni voŭka na vartaŭnika fiermierskaj haspadarki ŭ Chojnickim rajonie. Zvaniła žonka mužčyny.
26.11.2024 / 13:28
Pavodle paviedamleńnia MUS, vartaŭnik vyjšaŭ ahledzieć terytoryju, kali pačuŭ hučny brech sabak. U hety čas na jaho nakinuŭsia voŭk — chapaŭ za nohi i ruki. Adbivajučysia, mužčyna schavaŭsia ŭ padsobcy.
Na miesca pryjechali milicyjaniery. Pavodle MUS, źvier kinuŭsia i na ich, chacia na apublikavanym videa hetaha nie bačna.
Milicyjanty zastrelili vaŭka. Paciarpiełaha 55-hadovaha mužčynu pieradali miedykam.