Łatvija zajaviła pra parušeńnie svajoj pavietranaj prastory samalotami ź Biełarusi
Na minułym tydni, kali ŭ Łatvii praciahvałasia misija NATA pa patrulavańni pavietranaj prastory krain Bałtyi, padčas palotaŭ byli zaŭvažanyja rasijskija i biełaruskija samaloty. Pra heta paviedamili 25 listapada Uzbrojenyja siły Łatvii, piša «Radyjo Svaboda».
25.11.2024 / 22:55
Zdymak ilustracyjny
24 listapada padčas palotaŭ patrulnaj misii byli zafiksavanyja dva hramadzianskija biełaruskija samaloty, jakija nienadoŭha zalacieli ŭ pavietranuju prastoru Łatvii, paśla čaho viarnulisia ŭ Biełaruś. Padrabiaznaści incydentu Uzbrojenyja siły Łatvii nie paviedamlajuć.
Taksama ŭ pieryjad z 18 pa 24 listapada patrulnaja misija zaŭvažyła rasijskija vajskovyja samaloty, havorycca ŭ paviedamleńni.
Uvohule padčas misii NATA pa patrulavańni pavietranaj prastory krain Bałtyi ŭ Łatvii z sakavika pa listapad, z vajskovaj bazy «Lijełvard» 54 razy ŭzdymalisia źniščalniki ŭ adkaz na sihnały tryvohi, paviedamlaje łatvijskaje vydańnie tv3.lv.
Členy NATO patrulujuć pavietranuju prastoru Łatvii, Litvy i Estonii na ratacyjnaj asnovie z sakavika 2004 hoda, kali krainy Bałtyi ŭvajšli ŭ aljans.
Zatrymanyja ŭ Ryzie ispancy płanavali terakt u Litvie
U Litvie na miažy ź Biełaruśsiu pačynajucca vučeńni NATA
Hiensak NATA zaklikaŭ členaŭ aljansu ihnaravać jadziernyja pahrozy Pucina