Matacyklist začapiŭ tvaram drot, naciahnuty pamiž dreŭ u lesie pad Hrodna
Niekalki dzion tamu pastku ŭpieršyniu zaŭvažyli ŭ lesie, dzie katajucca jak matacyklisty, tak i viełasipiedysty. Ciapier historyja paŭtaryłasia.
25.11.2024 / 08:39
Kałaž Autogrodno.by
Matacyklist usio ž taki začapiŭ tvaram drot, naciahnuty pamiž dreŭ u lesie pad Hrodna, piša autogrodno.by.
— Na ščaście, usio abyšłosia. Udałosia svoječasova spynicca, — kažuć matacyklisty. — Całkam vierahodna, što hetyja pastki byli ŭstalavanyja adnačasova z tymi, što ŭdałosia znajści niekalkimi dniami raniej. Heta značyć nie fakt, što heta novyja.
Adznačym, što pad adnoj ź ich my ŭtroch prajechali padčas padjomu na horku i navat nie zaŭvažyli jaje. A ŭžo pry spusku nazad jana milhanuła i stała prykmietnaj. Atrymlivajecca, što jana visieła dosyć vysoka. Ale na jaje možna było naparocca pry spusku, bo pasadka za matacykłam užo inšaja, kažuć jany.
19 listapada ŭ nieprachodnych lasach pamiž karjerami «Sińka» i «Zialonka» chłopcy na pazadarožnych matacykłach zaŭvažyli drot, jaki byŭ nadziejna naciahnuty ŭ dvuch miescach nad darožkami, pa jakich katajucca jak matacyklisty, tak i viełasipiedysty.
Tady pastku prybrali, a zapis zaŭvažyli supracoŭniki UUS i apieratyŭna vyjechali na miesca dla vyśviatleńnia ŭsich abstavinaŭ taho, što adbyłosia.