U Vialikabrytanii zafiksavali paloty nieapaznanych dronaŭ nad vajskovymi bazami, jakija vykarystoŭvajuć ZŠA
Nad bazami Karaleŭskich VPS u Safałku i Norfałku byli zaŭvažanyja bieśpiłotniki, ale VPS ZŠA nie viedajuć, čyje jany byli.
24.11.2024 / 15:17
Papieradžalnyja nadpisy, prymacavanyja da aharodžy bazy VPS Lejkienchit, Vialikabrytanija. Fota: Mark Kerrison / In Pictures via Getty Images
Incydenty adbylisia pamiž 20 i 22 listapada nad tryma bazami ŭ Vialikabrytanii. Uzbrojenyja siły ZŠA, jakija vykarystoŭvajuć hetyja bazy, zajavili, što na dadzienym etapie niezrazumieła, ci varta ličyć bieśpiłotniki varožymi, piša The Guardian.
Tam taksama admoviŭsia kamientavać, ci vykarystoŭvalisia jakija-niebudź miechanizmy abarony ad dronaŭ.
«My možam paćvierdzić, što małyja bieśpiłotnyja latalnyja aparaty byli zaŭvažany zblizku i nad avijabazami. Ich kolkaść varjiravałasia, jany adroźnivalisia pa pamiery i kanstrukcyi», — raspavioŭ pradstaŭnik VPS ZŠA ŭ Jeŭropie.
«My surjozna ŭsprymajem pahrozy i padtrymlivajem žorstkija miery na abarončych abjektach. Heta ŭklučaje ŭ siabie mahčymaści biaśpieki suprać bieśpiłotnikaŭ», — dadali ŭ Minabarony Vialikabrytanii.
Bolš tam kamientavać admovilisia ź mierkavańniaŭ biaśpieki.