Ryžankoŭ i Łaŭroŭ padpisali ŭ Breście dekłaracyju ab supraćdziejańni sankcyjam
U Breście adbyłosia sumiesnaje pasiadžeńnie kalehij ministerstvaŭ zamiežnych spraŭ Biełarusi i Rasii. Udzieł u pasiadžeńni ŭziali ministry zamiežnych spraŭ dźviuch krain Maksim Ryžankoŭ i Siarhiej Łaŭroŭ. Jany padpisali padčas hetaj sustrečy čatyry sumiesnyja dakumienty.
22.11.2024 / 18:49
Siarhiej Łaŭroŭ i Maksim Ryžankoŭ
Siarod padpisanych dakumientaŭ — dekłaracyja ab supraćdziejańni mižnarodnym sankcyjam ź vielmi doŭhaj nazvaj: «Dekłaracyja Respubliki Biełaruś i Rasijskaj Fiederacyi ab pavyšeńni roli mižnarodnaha prava i ab kirujučych pryncypach, jakija tyčacca kvalifikacyi adnabakovych prymusovych mier u jakaści supraćpraŭnych, a taksama šlachoŭ i srodkaŭ supraćdziejańnia, źmiakčeńnia i kampiensavańnia niehatyŭnych nastupstvaŭ takich mier».
Akramia taho, Ryžankoŭ i Łaŭroŭ padpisali dakumient «Sumiesnaje bačańnie Jeŭrazijskaj chartyi raznastajnaści i šmatpalarnaści ŭ XXI stahodździ».
Taksama Maksim Ryžankoŭ paviedamiŭ, što ŭzhadniŭ z Łaŭrovym płan sumiesnych kansultacyj dvuch zamiežnapalityčnych viedamstvaŭ na nastupny hod.
Łaŭroŭ u Breście raskazaŭ moładzi, što «ad Ukrainy zastaniecca niejkaja častka»
Ryžankoŭ zajaviŭ, što samaabarona Zachadu ad Rasii i Biełarusi «miažuje z hienacydam»
«U Biełarusi źjaviŭsia svoj Rybientrop». Łatuška prakamientavaŭ zajavy Ryžankova