Mužčyna źbiŭ naviednikaŭ na pošcie ŭ Drybinskim rajonie. Adna žančyna pamierła VIDEA
Incydent adbyŭsia 21 listapada ŭ ahraharadku Rasna.
21.11.2024 / 16:01
Kala 11.00 u Drybinski RAUS pastupiła paviedamleńnie, što 39-hadovy miascovy žychar učyniŭ pahrom u paštovym adździaleńni i źbiŭ niekalkich naviedvalnic, piša BiełTA.
Niepadalok ad pošty byŭ pamočnik apieratyŭnaha dziažurnaha ADS Drybinskaha RAUS Alaksandr Kavalenka (u jaho byŭ vychodny). Pačuŭšy kryki, jon pabieh da pošty.
Jon vybiŭ z ruk złamyśnika prut, jakim toj źbivaŭ žančynu, abiasškodziŭ mužčynu i ŭtrymlivaŭ da prybyćcia kalehaŭ.
71-hadovaja piensijanierka ad atrymanych traŭmaŭ pamierła na miescy zdareńnia. Jašče adna paciarpiełaja dastaŭlena ŭ balnicu. Toj mužčyna zatrymany.