Milicyja papiaredziła pra pierakryćcio vulic u Minsku ŭ suviazi z vučeńniami
Milicyja pravodzić u Biełarusi maštabnaje kamandna-štabnoje vučeńnie. Siońnia płanujecca adpracoŭka praktyčnych dziejańniaŭ pa spynieńni hrupavych parušeńniaŭ hramadskaha paradku.
20.11.2024 / 09:20
Taksama ŭ adnym z handlova-zabaŭlalnych centraŭ krainy projdzie treniroŭka padraździaleńniaŭ śpiecyjalnaha pryznačeńnia z metaj pravierki vyraznaści i zładžanaści ich dziejańniaŭ u vypadku ŭskładnieńnia apieratyŭnaj abstanoŭki, paviedamlaje pres-słužba MUS.
U viedamstvie źviartajuć uvahu, što ŭ suviazi ź pieramiaščeńniem śpiectechniki na niekatory čas buduć pierakryvacca ŭčastki vulična-darožnaj sietki.
Nahadajem, što ŭčora stała viadoma, što MUS z 19 pa 22 listapada pravodzić u Biełarusi maštabnaje kamandna-štabnoje vučeńnie pad ehidaj Dziaržaŭnaha sakrataryjata Rady biaśpieki pa daručeńni Łukašenki. Padčas vučeńniaŭ milicyja prademanstruje hatoŭnaść da apieratyŭnaha reahavańnia na «mahčymyja ŭskładnieńni abstanoŭki ŭ krainie padčas vybarčaj kampanii». Meta — «niedapuščeńnie prajaŭ ekstremizmu i teraryzmu, uciahvańnia hramadzian u supraćpraŭnyja dziejańni i spynieńnie parušeńniaŭ hramadskaha paradku».