Адкуль праўладныя сацыёлагі ўзялі 80% падтрымкі Лукашэнкі
Сяргей Чалы ўпэўнены, што гэтаму ёсць лагічнае тлумачэнне.
19.11.2024 / 19:35
Фота: Getty Images
У новым выпуску «Навін з Чалым» аналітык звярнуў увагу на вынікі сацыялагічнага апытання, якія прэзентавалі праўладныя сацыёлагі ЕсооМ у Беларусі. Адпаведна яму, 80,4% беларусаў адказалі, што давяраюць Лукашэнку.
Аналітык звяртае ўвагу, што гэтая лічба амаль супадае з лічбай галасоў, якія, па меркаванні самога Лукашэнкі былі аддадзены за яго падчас апошніх выбараў.
«Я нават прызнаўся, што… ну ладна, там, 82 ці колькі было працэнтаў [афіцыйна]. У губернатараў — і ў вас [у Расіі], і ў нас ёсць такое спаборніцтва. Гомельская вобласць там — 79%. Ну я тут буду ўсё рабіць, каб было 79,5%. 80%? Ну, 80 і дзве дзясятыя. Але ніхто не аспрэчвае перамогу», — гаварыў Лукашэнка ў 2020-м.
Акрамя гэтага лічбу ў 80% Лукашэнка агучваў у чэрвені мінулага года на сустрэчы са старшынёй ЦВК Карпенкам:
«Каля 80% адназначна сёння падтрымліваюць той курс, які мы вызначылі. Ну, за 20%, якія вагаюцца і якія супраць, мы яшчэ пазмагаемся».
У лютым гэтага года Лукашэнка заяўляў: «Мы, зыходзячы з ужо майго вопыту, спрабуем прааналізаваць ход гэтай кампаніі і бачым, што сённяшнюю ўладу падтрымлівае больш за 87% насельніцтва. Адназначна падтрымліваюць».
Чалы ж мяркуе, што ўзровень падтрымкі Лукашэнкі з 2020-га не змяніўся — таму і рэпрэсіі перад выбарамі ўзмацніліся.
У 2020 годзе, згодна з тым апытаннем Інстытута сацыялогіі Нацыянальнай Акадэміі навук, узровень даверу Лукашэнку ў Мінску складаў 24%. Тагачасны дырэктар Інстытута сацыялогіі НАН Генадзь Коршунаў пацвердзіў праўдзівасць лічбаў.
Лукашэнка прызнаў, што першапачаткова выбары збіраліся правесці ў лютым
«Лукашэнка — маньяк улады, палітычны звер» — былы амбасадар Польшчы
Леанід Кучма: «Лукашэнка сёння — не самастойны, але моцны гулец»
Чалы прапанаваў улічваць сацыяльную карыснасць чыноўнікаў