У Магілёве будуць адбіваць «напад» на ваенкамат
У Магілёве 20—21 лістапада будзе праходзіць мабілізацыйны збор органаў войскаў і ваенных камісарыятаў абласцей і Мінска, паведамляе прэс-служба Мінабароны.
19.11.2024 / 10:23
Ілюстрацыйнае фота Мінабароны
Мерапрыемствам будзе кіраваць Генштаб. У зборы будзе ўдзельнічаць кіраўніцтва арміі, якое непасрэдна адказвае за мабілізацыйную падрыхтоўку.
Падчас вучэнняў плануецца падвесці вынікі працы, звязанай з мабілізацыйнай гатоўнасцю, а таксама мерапрыемствамі па яе падрыхтоўцы за мінулы навучальны год.
«У праграму збору таксама ўвойдуць практычныя дзеянні для адбіцця нападу ўмоўнага праціўніка на вайсковы камісарыят»,-распавялі ў прэс-службе Мінабароны.