U Babrujsku małady mužčyna pamior z-za atručvańnia dymiedrołam
U Babrujsku 32-hadovy mužčyna pamior u siabie doma paśla taho, jak uvioŭ nutraviennuju injekcyju miedycynskaha preparata dymiedroł, paviedamlaje Dziaržkamitet sudovych ekśpiertyz.
19.11.2024 / 10:00
Pra toje, što pierad śmierciu babrujčanin uvioŭ sabie dymiedroł, raspaviała jaho sužycielka.
Kab vyśvietlić dakładnuju pryčynu śmierci, była pryznačanaja ekśpiertyza. Daśledavańni pakazali, što niezadoŭha da nastupleńnia śmierci mužčyna ŭnutryvienna prymaŭ miedycynskija preparaty (u tym liku supraćalerhičny srodak dymiedroł), jakija ŭvodziŭ u ściahno.
Pavodle vysnovaŭ ekśpierta, śmierć babrujčanina nastupiła ŭ vyniku vostraha atručvańnia dymiedrołam, što paćvierdžana źmieścivam hetaha rečyva ŭ kryvi (u taksičnaj kancentracyi), unutranych orhanach, miakkich tkankach ściahna i inšymi prykmietami.
Etyłavy śpirt u kryvi pamierłaha nie znojdzieny.