Biełaruś zhulała ŭničyju z Bałharyjaj u apošnim matčy Lihi nacyj. Łukašenku na trybunach taksama ŭspomnili
Zbornaja zastałasia ŭ dyvizijonie S.
19.11.2024 / 00:38
Fota: football.by
Zbornaja Biełarusi zhulała ŭničyju z Bałharyjaj u apošnim matčy futbolnaj Lihi nacyj. Matč, jaki prajšoŭ u Safii, skončyŭsia ź likam 1:1.
Bałhary zabili ŭ pieršym tajmie, u siaredzinie druhoha tajma Juryj Kavaloŭ zraŭniaŭ — 1:1.
Na matčy źviarnuli na siabie ŭvahu biełaruski ściah i vostryja płakaty na trybunach.
Paŭnočnaja Irłandyja zhulała ŭničyju ŭ haściach ź Luksiemburham — 2:2.
Vynikovaje stanovišča paśla 6 turaŭ: Paŭnočnaja Irłandyja — 11, Bałharyja — 9, Biełaruś — 7, Luksiemburh — 3.
Paŭnočnaja Irłandyja zavajavała ŭ pucioŭku ŭ dyvizijon V, Bałharyja zhulaje ŭ stykavych matčach z treciaj kamandaj z dyvizijona V, Luksiemburh vylataje ŭ samy słaby dyvizijon — D.
Biełaruś zachavała pucioŭku ŭ S.
U hetym turniry sioleta kamanda pieramahła adnojčy (Luksiemburham), adnojčy prajhrała (Paŭnočnaj Irłandyi) i čatyry razy zhulała ŭničyju.
Amal praź miesiac, 13 śniežnia, u Ciurychu projdzie losavańnie adboračnaha turniru siarod jeŭrapiejskich kamand da čempijanatu śvietu 2026 hoda.
Biełaruś atrymaje ŭ supierniki abo try, abo čatyry zbornyja. Hetyja hulni projduć užo ŭ nastupnym hodzie.