Stała viadoma, na jakuju dalokaść ZŠA dazvolili ŭkraincam stralać amierykanskimi snaradami pa Rasii
Administracyja Złučanych Štataŭ dazvoliła Kijevu ŭžyvać rakiety dalokaściu da 300 km dla ŭdaraŭ pa terytoryi Rasii. Takaja infarmacyja hučała na sustrečy kiraŭnikoŭ MZS Jeŭrasajuza, raspavioŭ kiraŭnik jeŭradypłamatyi Žazep Barel.
18.11.2024 / 21:49
Pavodle jaho słoŭ, kiraŭniki MZS ES nie pryniali ahulnaha rašeńnia ab admienie abmiežavańniaŭ na prymianieńnie zachodniaj zbroi na terytoryi Rasii — kožnaja kraina vyrašaje sama.
Učora stała viadoma, što Bajden dazvoliŭ Ukrainie nanosić udary pa Rasii amierykanskimi rakietami dalokaha radyusu dziejańnia. Mnohija vajennyja ahladalniki ličać, što dazvoł na rakietnyja ŭdary pa terytoryi Rasii pierałomu padčas vajny nie pryniasie, choć moža dapamahčy Ukrainie trymać abaronu.
ATACMS (Army Tactical Missile System) — heta taktyčnyja balistyčnyja rakiety, jakija zapuskajucca, u pryvatnaści, z ustanovak HIMARS. Roznyja ich madyfikacyi majuć roznuju dalokaść, maksimalnaja — kala 305 km.