U Minsku sa stralboj zatrymali buzaciora
Minčuk pahražaŭ nažami žycharam šmatpaviarchovika i milicyjantam.
18.11.2024 / 14:56
Skrynšot videa MUS
Na liniju «102» pastupiła paviedamleńnie: u kvatery doma pa vulicy Chałmahorskaj mužčyna, jaki byŭ u haściach, staŭ skandalić, łamać dźviery i kidacca na dziaŭčynu, paviedamlaje pres-słužba MUS.
Na miesca vyjechali supracoŭniki Partyzanskaha RUUS. Pabačyŭšy ahresara z dvuma nažami, milicyjanty zapatrabavali supakoicca i kinuć zbroju na padłohu.
Patrabavańni jon praihnaravaŭ i, naadvarot, razmachvajučy nažami, nakiravaŭsia ŭ ich bok. Supracoŭniki papiaredzili pra ŭžyvańnie tabielnaj zbroi, adnak mužčyna nie spyniŭsia. Milicyjant streliŭ jamu pa nahach.
Mužčynu akazali pieršuju dapamohu i pieradali miedykam.
Fihurantam akazaŭsia 31-hadovy minčanin, jaki raniej byŭ nieadnarazova sudzimy, u tym liku za chulihanstva i niezakonny abarot narkotykaŭ, a taksama pryciahvaŭsia da administracyjnaj adkaznaści za źjaŭleńnie ŭ hramadskim miescy ŭ stanie ałkaholnaha apjanieńnia.