Machlary prymusili minčanku całkam raspranucca pierad kamieraj
Nieviadomyja nibyta chacieli ŭpeŭnicca ŭ adsutnaści na dziaŭčynie žučkoŭ.
17.11.2024 / 14:56
Da dziaŭčyny patelefanavaŭ nieznajomiec, jaki pradstaviŭsia supracoŭnikam mabilnaha apieratara i zajaviŭ, što jaje pašpartnyja danyja skrali, a na jaje numar ustalavali pieranakiravańnie vyklikaŭ. Dla adklučeńnia hetaj funkcyi minčancy prapanavali pierajści pa spasyłcy.
Kali dziaŭčyna heta zrabiła, nieviadomyja atrymali vydaleny dostup da jaje telefona. Paśla hetaha surazmoŭca paviedamiŭ, što jamu treba ŭpeŭnicca ŭ adsutnaści na dziaŭčynie žučkoŭ. Dla hetaha joj prapanavali całkam raspranucca pierad kamieraj telefona. Minčanka pasłuchałasia.
Paśla hetaha dziaŭčynie pačali pahražać, što razašluć jaje intymnyja kadry znajomym, kali jana nie pieraviadzie machlaram hrošy. Ciapier pa hetym fakcie viadziecca pravierka.