Biełarusaŭ čakajuć źmieny pa vizach u Vialikabrytaniju
Vialikabrytanija z novaha hoda źmianiaje vizavy centr u Biełarusi.
17.11.2024 / 11:35
Vizavy centr TLScontact u Minsku z 1 studzienia 2025 hoda spynić usie pracedury pa brytanskich vizach. Usie paŭnamoctvy pierachodziać da dobra viadomaha biełarusam centra VFS Global.
Z 4 śniežnia klijenty bolš nie zmohuć atrymać dostup da svajho anłajn-akaŭnta na TLScontact, u hety momant pačniecca pierachod na sistemu VFS Global. Pasłuha ekspres-dastaŭki kurjeram užo niedastupnaja praz TLScontact.
Dla tych, chto zapisaŭsia na pryjom da 4 śniežnia, nijakich źmienaŭ niama. Ale kali rašeńnie pa zajavie nie paśpieje być pryniata da zakryćcia centra, sprava i ŭsie źviazanyja dakumienty buduć biaśpiečna pieradadzieny ŭ VFS Global.
Vizavy centr VFS Global u Biełarusi taksama prymaje dakumienty na šenhienskija vizy Polščy i inšych krain.