U Minsku adkryŭsia anturažny restaran. Vyklikać aficyjantaŭ tam treba asablivym sposabam
U Minsku na Hikała, 1 adkryŭsia novy restaran-halereja, u jakim spałučajucca niezvyčajny interjer i cikavaje mieniu. Va ŭstanovie možna ŭbačyć staradaŭnija rečy: pijanina XVIII stahodździa i akanicy z Mahiloŭskaj hubierni, a taksama stały, zroblenyja z matracaŭ, piša Citydog.
16.11.2024 / 22:39
Restaran «Halereja». Skrynšoty videa ŭ instahram
Błohierka MamaGo pakazała ŭ Instagram, jak vyhladaje anturažny restaran «Halereja» na Hikała, 1. Ustanova padzielena na niekalki zon: piaredni pakoj, majsterniu, kabiniet, haścinuju i spalniu, dzie stały zroblenyja ŭ vyhladzie łožkaŭ z koŭdrami. Rachunki padajuć u starych knihach — heta častka kancepcyi.
Mieniu składajecca sa znajomych straŭ, ale, pa słovach błohierki, ź niezvyčajnymi akcentami i spałučeńniami. Taksama prapanujuć sety pa fiksavanaj canie.
A adna ź fišak restarana — sposab vykliku aficyjanta. Na stale staić śviečka i pačak zapałak: kab zrabić zakaz, treba zapalić śviečku.