Biełarusa, zatrymanaha ŭ Čadzie, adpuścili — jon palacieŭ u Maskvu
Pra zatrymańnie biełarusa Dzienisieviča i troch rasiejcaŭ paviedamlałasia ŭ vieraśni.
16.11.2024 / 21:56
Ndžamiena, Čad
Troje rasiejcaŭ i biełarus, jakich zatrymali i ŭtrymlivali ŭ Čadzie, byli vyzvalenyja i siońnia ŭviečary prybyli ŭ Maskvu, paviedamili RIA Novosti.
Nahadajem, 19 i 21 vieraśnia ŭ Ndžamienie ŭładami Respubliki Čad byli zatrymanyja troje rasiejcaŭ i biełarus — A. Dzienisievič.
Zatrymanyja Maksim Šuhalej i Samier Suejfan, jakich rasijskaja prapahanda nazyvaje sacyjołahami, raniej byli supracoŭnikami Fondu abarony nacyjanalnych kaštoŭnaściaŭ, źviazanaha ź Jaŭhienam Pryhožynym. Pisałasia, što Šuhalej adpraviŭsia ŭ Ndžamienu dla ŭdziełu ŭ adkryćci Ruskaha doma.
Proźvišča Dzienisieviča sustrakałasia ŭ navinach pra nabližanaha da Alaksandra Łukašenki biznesmiena Alaksandra Zinhmana. Žonku Zinhmana, jaki viadzie spravy ŭ Zimbabve, zvać Lizavieta Dzienisievič.