Ź Italii departavali biełarusa, jaki adsiedzieŭ u turmie za zabojstva
Supracoŭniki mihracyjnaj palicyi Italii vykanali rasparadžeńnie ab vysyłcy, vydadzienaje prefiektam horada Redža-dzi-Kałabryja, u dačynieńni da 59-hadovaha ŭradženca Biełarusi.
16.11.2024 / 09:11
Fota: questure.poliziadistato.it
Pra heta paviedamlaje sajt «Biełaruś i śviet» sa spasyłkaj na tamtejšyja pravaachoŭnyja orhany.
Mužčyna, jaki ŭtrymlivaŭsia ŭ turmie «San-Pjetra» pavodle prysudu suda — 16 hadoŭ źniavoleńnia za naŭmysnaje zabojstva braziljanki, utojvańnie trupa i kradziež z domu, učynienyja ŭ pravincyi Ankona, — byŭ repatryjavany ŭ krainu pachodžańnia.
Adrazu paśla vyzvaleńnia našaha suajčyńnika, pryznanaha sacyjalna niebiaśpiečnaj asobaj, supravadzili spačatku ŭ pamiaškańnie palicejskaha kiravańnia, a zatym u pavietranuju havań Ryma — mižnarodny aeraport Fjumičyna.
Akramia rasparadžeńnia ab vysyłcy, u dačynieńni da hramadzianina taksama pryniataja miera ab zabaronie na paŭtorny ŭjezd na terytoryju Italii terminam 10 hadoŭ.