Што Пуцін сказаў Шольцу? Версія Крамля
Крэмль пацвердзіў, што Уладзімір Пуцін і канцлер Германіі Олаф Шольц сёння сазваніліся.
15.11.2024 / 18:21
Фота: Gavriil Grigorov, Sputnik, Kremlin Pool Photo via AP
Прэс-служба Крамля паведамляе, што падчас размовы «праведзены падрабязны і адкрыты абмен думкамі аб сітуацыі ва Украіне».
Пуцін заявіў, што адкрыты да перамоў, але на сваіх умовах.
«Прапановы Расіі добра вядомыя і выкладзеныя, у прыватнасці, у чэрвеньскім выступе ў расійскім МЗС.
Магчымыя дамоўленасці павінны ўлічваць інтарэсы Расійскай Федэрацыі ў сферы бяспекі, зыходзіць з новых тэрытарыяльных рэалій, а галоўнае ліквідаваць першапрычыны канфлікту»,
— пішуць у Крамлі.
Цяперашні крызіс Пуцін назваў «прамым вынікам шматгадовай агрэсіўнай палітыкі НАТА, накіраванай на стварэнне на ўкраінскай тэрыторыі антырасійскага плацдарма пры ігнараванні інтарэсаў Расіі ў сферы бяспекі і зневажанні правоў рускамоўных жыхароў».
Кабмін ФРГ раней паведамляў, што канцлер Германіі ў размове асудзіў агрэсіўную вайну Расіі супраць Украіны і заклікаў Пуціна спыніць яе і вывесці войскі.