U Sankt-Pieciarburhu vajenkam z žonkaj adpraŭlali na front «miortvyja dušy», a hrošy pakidali sabie
Muža i žonku, jakija pracavali ŭ adnym z vajenkamataŭ, zatrymali.
15.11.2024 / 15:54
Ilustracyjnaje fota AP
U Sankt-Pieciarburhu 51-hadovy pamočnik vajenkama i jaho žonka zatrymanyja za zaklučeńnie fiktyŭnych kantraktaŭ ź Minabarony Rasii.
Pa viersii śledstva, u 2023 hodzie para fiktyŭna ŭładkoŭvała ludziej u enierhazbytavuju kampaniju praz supracoŭnicu adździeła kadraŭ.
Ad imia hetych fiktyŭnych supracoŭnikaŭ zaklučalisia kantrakty ź Minabarony dla ŭdziełu ŭ vajnie suprać Ukrainy. Rabotniki vajenkamata atrymlivali vypłaty — 50 tysiač rasijskich rubloŭ (500 dalaraŭ) štomiesiac i adnarazovuju vypłatu ŭ 500 tysiač (5000 dalaraŭ).
Palicyja pakul ustanaviła tolki dvuch fiktyŭna pracaŭładkavanych hramadzian.
«Adnak u apieratyŭnikaŭ jość padstavy mierkavać, što kolkaść pracaŭładkavanych takim čynam hramadzian moža być bolšaj», — zajavili ŭ MUS.
Suprać zatrymanych supracoŭnikaŭ vajenkamata raspačali kryminalnuju spravu ab machlarstvie.