Biełaruski trenier kazachstanskaha kłuba admoviŭsia ad kampiensacyi ŭ 296 tysiač jeŭra
Alaksandr Siadnioŭ paśla skasavańnia kantraktu z «Ardabasy» atrymaŭ kala 76 tysiač jeŭra (40 miljonaŭ tenhie).
15.11.2024 / 13:10
Fota: FK «Ardabasy»
51-hadovy Siadnioŭ admoviŭsia ad naležnych hrošaj pa kantrakcie, jaki dziejničaŭ jašče paŭtara hoda, pišuć Vesti.kz.
Futbolny śpiecyjalist, jaki ŭ minułym hodzie pryvioŭ «Ardabasy» da załatych miedaloŭ u čempijanacie, sam abviaściŭ pra sychod paśla vyletu ad armianskaha «Piunika» ŭ kvalifikacyi Lihi kanfierencyj.
U lipieni ŭ ŚMI raskryli zarobak Alaksandra Siadniova ŭ »Ardabasy». Jon zarablaŭ 18 500 jeŭra ŭ miesiac. Vychodzić, što biełarus dobraachvotna admaŭlaŭsia ad 296 000 jeŭra (zvyš 158 młn tenhie).
Niahledziačy na składany siezon, Siadnioŭ pakinuŭ kamandu na pieršym miescy ŭ turnirnaj tablicy. Paśla prychodu treniera Kiryła Kiekiera šymkientcy zaniali čaćviortaje miesca.
Trom futbalistam zbornaj Biełarusi nie dali brytanskija vizy