U Rečycy pad palityčny pieraśled trapiŭ adzin z samych pavažanych u horadzie daktaroŭ
19 listapada ŭ Rečycy adbudziecca sudovy praces u dačynieńni da Andreja Kurłoviča.
15.11.2024 / 12:38
Jaho abvinavačvajuć pavodle č. 2 art. 19.11 KaAP (raspaŭsiud ekstremisckich materyjałaŭ). Spravu mužčyny budzie razhladać sudździa Julijana Łuncevič.
Andrej Kurłovič pracuje zahadčykam aniestezijna-reanimacyjnaha adździaleńnia Rečyckaj centralnaj rajonnaj balnicy. U horadzie i rajonie jon viadomy jak adzin z najbolš prafiesijnych daktaroŭ.
«Mnohija ŭvažlivyja čytačy dobra viedajuć, kamu čaściej za ŭsio na staronkach haziety adrasavali słovy padziaki rečyčanie, jakich miedyki litaralna vyryvali z čepkich abdymkaŭ karanavirusa. Pravilna, Andreju Kurłoviču, zahadčyku adździaleńnia aniestezijałohii i reanimacyi Rečyckaj CRB», — pisała pra jaho ŭ 2022 hodzie dziaržaŭnaja rajonnaja hazieta.
Pakul imia lekara nie prybranaje z sajta rečyckaj balnicy, piša «Homielskaja Viasna».