13-hadovy chłopčyk padpaliŭ u internacie suchoje hallo. Ź jaho baćki spahnali 288 tysiač rubloŭ
Prakuratura Białynickaha rajona vystaviła pazoŭ u sud ab spahnańni z baćki chłopčyka, pa čyjoj vinie paciarpieła 11-hadovaja dziaŭčynka, vydatkaŭ na akazańnie joj miedycynskaj dapamohi.
15.11.2024 / 09:49
13-hadovy školnik 22 listapada minułaha hoda, znachodziačysia ź siabrami ŭ internacie, padpaliŭ suchuju halinu, jakaja lažała na dziciačym vazku.
U vyniku ŭźnik pažar, jaki raspaŭsiudziŭsia na inšyja vazki i aŭtamabilnyja kresły, stendy na ścienach, a taksama zakranuŭ faje internata. Na dziaŭčynku, jakaja sprabavała vyjści z budynka na vulicu, upali haručyja kanstrukcyi.
Jana atrymała ciažkija cialesnyja paškodžańni, niebiaśpiečnyja dla jaje žyćcia. Školnica prachodziła praciahłaje lačeńnie ŭ adździaleńni reanimacyi, pravioŭšy ŭ stacyjanarach 188 dzion.
Košt raschodaŭ na lačeńnie pieravysiŭ 288 tysiač rubloŭ.
Zhodna z art. zakona «Ab achovie zdaroŭja», jurydyčnyja i fizičnyja asoby, uklučajučy IP, jakija pryčynili škodu zdaroŭju hramadzianam, pakryvajuć arhanizacyjam achovy zdaroŭja raschody na akazańnie miedycynskaj dapamohi paciarpiełym.
Rašeńniem suda pazovy byli ŭchvalenyja ŭ poŭnym abjomie — z baćki chłopčyka spahnany vydatki na sumu zvyš 288 tysiač rubloŭ.