Litva ŭvodzić źmieny dla fur, jakija vyjazdžajuć u Biełaruś i Rasiju
Litva ŭvodzić abaviazkovuju papiaredniuju rehistracyju ŭ elektronnaj čarzie ŭsich hruzavych transpartnych srodkaŭ, jakija vyjazdžajuć ź Litvy praź miežy z Rasijaj i Biełaruśsiu. Pra heta paviedamlaje Ministerstva transpartu i suviazi Litvy.
14.11.2024 / 10:15
Praviła pačnie dziejničać z 1 śniežnia.
«Usie hruzavyja transpartnyja srodki, jakija nakiroŭvajucca ŭ punkty propusku «Miadzininkaj», «Šalčyninkaj» i «Kibartaj» na miežach Litvy ź Biełaruśsiu i Rasijaj, ciapier pavinny buduć zahadzia braniravać vybrany časavy intervał dla pierasiačeńnia miažy ŭ infarmacyjnaj sistemie kiravańnia čerhami (EVIS). Kali hruzavy transpartny srodak prybyvaje ŭ zonu čakańnia biez braniravańnia časovaha intervału dla pierasiačeńnia miažy, jon zmoža zarehistravacca na nastupny dastupny časovaj intervał u EVIS na miescy», — piša viedamstva.
Miarkujecca, što heta značna skarocić kolkaść fur u čarzie. Samyja vialikija čerhi — da 900 hruzavikoŭ abo daŭžynioj 23 km — zvyčajna ŭtvarajucca ŭ śniežni i krasaviku, pierad kaladnymi i vielikodnymi śviatami.