Łukašenka adpomściŭ Dudu za admovu fatahrafavacca
Kanał pres-słužby Łukašenki vyrašyŭ źviarnucca da pomsty.
13.11.2024 / 18:12
Fota: «Puł pieršaha»
Prezident Polščy Andžej Duda napiaredadni admoviŭsia ŭdzielničać u «siamiejnym fota» lidaraŭ, jakija pryjechali na klimatyčny samit u Baku. Pryčynaj staŭ udzieł u fatahrafavańni Łukašenki.
Kanał «Puł pieršaha» vyrašyŭ abyhrać hety momant i apublikavaŭ fota «pomsty» palityka polskamu lidaru. Vyhladaje heta na ŭzroŭni pačatkovaj škoły.
Na zdymku bačna, što padčas vystupu Dudy na samicie Łukašenka razmaŭlaje z prezidentam Hviniei-Bisaŭ Amaru Sisoku Embała.
«U momant vystupu źnikłaha z family-fota Dudy… Nie, nu biez kryŭd — kali jašče pahutaryć z prezidentam Hviniei-Bisaŭ… tak, kab try chviliny z karyściu», — tak padpisana fatahrafija.
Darečy, Duda nie ŭpieršyniu admoviŭsia ŭdzielničać u sumiesnym fota z Łukašenkam. Letaś na anałahičnym klimatyčnym samicie ad «siamiejnaha fota» razam ź im admovilisia taksama prezidenty Litvy i Łatvii.
Duda admoviŭsia ŭdzielničać u ahulnym fota lidaraŭ na samicie ŭ Baku — praz Łukašenku