U Maskvie zamiest pamierłaha biełaruskaha śviatara pa-biełarusku słužyć armianin
U subotu biełarusy-kataliki Maskvy sustrelisia ŭ franciškanskim klaštary na nabaženstvie ŭ pamiać biełarusa, ajca Piatra Karnieluka.
13.11.2024 / 12:19
Apošnija hady ajciec Piotr byŭ dušpastyram biełarusaŭ-katolikaŭ, jakija žyvuć u Maskvie i Maskoŭskaj vobłaści, a taksama i dla biełarusaŭ, jakija naviedvali hety horad i žadali ŭdzielničać u nabaženstvach pa-biełarusku, piša catholic.by.
Imšu ŭ pamiać spačyłaha śviatara pravioŭ na biełaruskaj movie ajciec Petras Jesajan, probašč armiana-katalickaj parafii śviatoha Ryhora Aśvietnika.
Zatym adbyłasia dušpastyrskaja sustreča ŭ franciškanskim centry, na jakoj niekalki dziasiatkaŭ viernikaŭ padzialilisia svaimi ŭspaminami pra spačyłaha ajca Piatra Karnieluka.
Ajciec Petras zapeŭniŭ, što ŭ pamiać ab ajcy Piatry budzie pravodzić dla ich nabaženstvy na rodnaj movie.
Ajciec Petras Jesajan MIS z 10-hadovaha ŭzrostu i da stanaŭleńnia manacham žyŭ u Biełarusi. Dobra vałodaje niekalkimi movami, u tym liku biełaruskaj.