Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj
Rasija i ZŠA mohuć u druhi raz abmianiacca źniavolenymi — u lutym 2025 hoda. Praź niekalki tydniaŭ paśla inaŭhuracyi Trampa.
13.11.2024 / 10:12
U śpisie rasijskaha MZS ličacca 70 čałaviek, jakich ułady Štataŭ abvinavacili ŭ špijanažy i arhanizacyi šerych schiem abychodu sankcyj, piša blizki da rasijskich siłavikoŭ telehram-kanał Mash.
Najbolš viadomyja hramadzianie RF, jakija znachodziacca ciapier pad vartaj:
— Dzianis Pastavoj, aryštavany pavodle spravy ab pastaŭcy mikraelektroniki vajskovaha pryznačeńnia z ZŠA ŭ Rasieju.
— Siarhiej Čarkasaŭ, asudžany na 15 hadoŭ u Brazilii za padrobku dakumientaŭ. Štaty damahalisia jahonaj ekstradycyi za nibyta špijanaž na karyść RF.
— Pavieł Kublicki, nibyta byŭ źviazany z chakierami i zajmaŭsia kibiermachlarstvam.
— Artur Piatroŭ, aryštavany na Kipry na zapyt ZŠA ŭ žniŭni 2023 hoda, abvinavačany ŭ niezakonnym eksparcie mikraelektroniki z ZŠA ŭ RF.
— Kryścina Puzyrova, Maksim Marčanka, Mikałaj Holcaŭ i Samidžon Nasrydzinaŭ — pamahatyja Piatrova, asudžanyja pa toj ža spravie.
Štaty chočuć zabrać jekaciarynburhskuju balarynu Ksieniju Chavanu, jakaja pieraviała 50 dalaraŭ USU, Džozefa Tatera, jaki napaŭ na palicejskaha i admoviŭsia ad hramadzianstva ZŠA, a taksama Hordana Błeka, asudžanaha da 3 hadoŭ pazbaŭleńnia voli za zabojstva svajoj kachanaj va Uładzivastoku.
Taksama ŭ śpisie — abvinavačanyja ŭ teraktach i dyviersijach na čyhunačnych šlachach. Ich paprasili abmianiać pradstaŭniki ES. Bolšaść — niepaŭnaletnija. Dla abmienu patrebna zhoda baćkoŭ na pieravozku padletkaŭ u krainy Jeŭrasajuza i pryznačeńnie apiekunoŭ dla ich isnavańnia za miažoj.