«Rołtan» bolš nie zabaraniajuć — jon pavinien viarnucca ŭ kramy Biełarusi
Ministerstva achovy zdaroŭja admianiła zabaronu na ŭvoz u Biełaruś pradukcyi vytvorcy papularnaj łokšyny chutkaha pryhatavańnia.
12.11.2024 / 14:58
Skrynšot Koko_by
Arhanizacyi atrymali list ad Ministerstva achovy zdaroŭja pra admienu zabarony na ŭvoz pradukcyi rasijskaj kampanii «Marevien Fud Sentrał», paviedamlaje błohier Koko_by.
Heta značyć, što «Rołtan», «Bih Bon» i inšaja pradukcyja kampanii pavinny viarnucca na palicy biełaruskich kramaŭ.
Ministerstva achovy zdaroŭja zabaraniła ŭvoz hetaj pradukcyi ŭ kastryčniku. Tady ŭ fasavanym bulbianym piure z kurynym smakam «Pietra» ŭ narmavanym abjomie pradukcyi byli vyjaŭleny kaliformy — bakteryi kišačnych pałačak.
U Ministerstvie achovy zdaroŭja rastłumačyli, što parušeńnie norm pa mikrabijałahičnych pakazčykach, u tym liku pa źmieście bakteryj hrupy kišačnych pałačak, moža pryvieści da charčovych atručvańniaŭ roznaj stupieni ciažkaści.