Šmatpaviarchovy dom u Biełharadzie 5 listapada atakavaŭ rasijski šachied
U vyniku ataki paciarpieli dva čałavieki, paškodžanyja 40 kvater u troch šmatkvaternych damach, 24 aŭtamabili i krama. Hubiernatar Biełharadskaj vobłaści abvinavaciŭ u atacy na dom USU.
11.11.2024 / 14:39
Skrynšot videa
Paśla źjaviłasia videa z atakaj na dom, jakoje śpiecyjalna było abrezana takim čynam, kab schavać fakt pracy SPA nad mikrarajonam.
Adnak telehram-kanał «Piepieł» vyvučyŭ novaje videa ŭdaru — z kamiery videanazirańnia na procilehłym padjeździe — jakoje dazvalaje kazać pra toje, što dom atakavaŭ rasijski šachied.
Čamu pa domie ŭdaryŭ mienavita šachied?
Na videa z kamiery videanazirańnia na procilehłym domie dobra vidać BPŁA, siłuet jakoha vielmi mocna padobny na iranski ŭdarny BPŁA Shahed-136, jakija rasijskaja armija zapuskaje pa terytoryi Ukrainy.
Tolki hety ŭdarny bieśpiłotnik maje charakternuju nasavuju častku i trochkutnyja kryły z tupymi kancami, jakija vyrazna vidać na videa z kamiery videanazirańnia.
Udar pa domie naniesieny z umoŭna «rasijskaha» boku ŭ kirunku miažy z Ukrainaj. Udarny BPŁA moža być zaprahramavany na razvaroty i inšyja manieŭry pierad udaram pa celi, što dazvalaje havaryć pra toje, što Ukraina mahła zaprahramavać BPŁA dla razvarotu i ŭdaru pa domie z umoŭna «rasijskaha» boku.
Adnak heta nie maje sensu z punktu hledžańnia łohiki ŭdaru — kali b BPŁA byŭ zaprahramavany na ŭdar pa domie, jon by moh z takim ža pośpiecham udaryć pa im z umoŭna ŭkrainskaha boku budynka.