U Słonimie prydumali kaŭbasu z bulbaj fry. I nazvali jaje «Naš bulbaš»
Słonimski miasakambinat pradstaviŭ navinku, jakoj, pa słovach vytvorcy, možna zamianić śniadanak ci abied.
11.11.2024 / 13:18
Słonimski miasakambinat źbirajecca vypuskać sierviełat pad nazvaj «Naš bulbaš». Što ŭnutry, akramia miasa, jość bulba fry.
Navinku pradstavili na abłasnych «Dažynkach» u Mastach. Vytvorca śćviardžaje, što ŭ razahretym vyhladzie sierviełat zdolny zamianić paŭnavartasny śniadanak ci abied.
Kali navinka pastupić u prodaž, nieviadoma.
Jašče ŭ 2018 hodzie aktyvist Ihar Słučak zapuskaŭ cełuju kampaniju «Stop Bulbaš» suprać vykarystańnia abraźlivaha słova ŭ naźvie chleba, jaki vypuskali ŭ Słucku. U vyniku ŭ śniežni minułaha hoda paśla šmatlikich zvarotaŭ chlebazavod źniaŭ chleb «Bulbaš'» z vytvorčaści.