Buduć sudzić palitviaźnia, jakoha zatrymali pa padazreńni ŭ supracoŭnictvie z HUR Ukrainy
Jaho spravu pačnuć razhladać u Mahiloŭskim abłasnym sudzie 14 listapada.
11.11.2024 / 12:57
Pavieł Čurkin — žychar Mahilova, jakoha ŭ 2021 hodzie asudzili da adnaho hoda kałonii za «abrazu Łukašenki» (art. 368 Kryminalnaha kodeksu). Pavieł całkam adbyŭ pakarańnie i 24 traŭnia 2022 hoda vyjšaŭ na volu, piša «Viasna».
Napačatku krasavika 2024 hoda stała viadoma, što Paŭła zatrymali pa padazreńni ŭ supracoŭnictvie z HUR MO Ukrainy. Nibyta jon zdymaŭ raźmiaščeńnie «Iskanderaŭ», kab potym pieradać kadry USU. U jakaści paćviardžeńnia, što Čurkin nibyta byŭ zavierbavany, prapahandysty pakazali rolik, dzie jon na kamieru čytaje niešta padobnaje na tekst prysiahi Ukrainie.
Ciapier Paŭła abvinavačvajuć u «zdradzie dziaržavie» (č. 1 art. 356 KK), a taksama ŭ «padrychtoŭcy da ŭdziełu na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie» (č. 1 art. 361-3 KK).
Jaho spravu pačnuć razhladać u Mahiloŭskim abłasnym sudzie 14 listapada. Praces budzie vieści sudździa Pavieł Klimaŭ.