Rasijskaja bomba razburyła šmatpaviarchovik u Charkavie — 25 paciarpiełych
Čarhovy ŭdar pa Charkavie Rasija naniesła ŭnačy z 7 na 8 listapada.
08.11.2024 / 09:41
Razburany rasijskaj rakietaj šmatpaviarchovik u Charkavie. Fota: telehram-kanał kiraŭnika abłasnoj administracyi Charkava Aleha Siniehubava
Jak paviedamiŭ u telehram-kanale kiraŭnik abłasnoj administracyi Charkava Aleh Siniehubaŭ, rasijskija bomby paškodzili niekalki budynkaŭ. Vybuchi častkova razburyli šmatpaviarchovik u Sałtoŭskim rajonie Charkava (pa słovach Siniahubava, rasijskaja bomba razburyła nižnija try pavierchi) — paciarpieła 25 čałaviek. Piać ź ich špitalizavanyja. Z častkova razburanaha doma evakujavali 30 čałaviek, u tym liku čatyroch dziaciej.
Razburany rasijskaj rakietaj šmatpaviarchovik u Charkavie. Fota: telehram-kanał kiraŭnika abłasnoj administracyi Charkava Aleha Siniehubava
U Adesie adzin čałaviek zahinuŭ pry načnym nalocie «šachiedaŭ», paviedamlajuć ukrainskija ratavalniki.
Načnaja ataka była i pa Kijeŭskaj vobłaści. Čatyry čałavieki paranienyja — heta kiroŭcy aŭto, jakija byli na miescy padzieńnia abłomkaŭ źbitych rakiet.