Stała viadoma, jak zahinuŭ rasijski hienierał Klimienka: dron dahnaŭ jahony matacykł
Adzin ź insajdarskich telehram-kanałaŭ, pryśviečanych vajnie va Ukrainie, apublikavaŭ kopiju dakumienta, u jakim, jak śćviardžajecca, pryviedzienyja abstaviny hibieli hienierał-majora Paŭła Klimienki.
07.11.2024 / 23:33
Pavieł Klimienka.
Uviečary 6 listapada Klimienka razam z padnačalenymi jechaŭ na matacykłach u horadzie Krasnahoraŭka Danieckaj vobłaści, jaki ŭ vieraśni byŭ akupavany Rasijaj.
Kałonu raźbili pry dapamozie FPV-dronaŭ. Klimienka atrymaŭ ciažkija traŭmy hałavy i byŭ terminova adpraŭleny ŭ centr traŭmatałohii ŭ Daniecku, ale praź niekalki hadzin pamior.
Klimienka staŭ 13-m rasijskim hienierałam, pra čyju śmierć paviedamlałasia ź lutaha 2022 hoda. Rasijskija ŭłady paćvierdzili vosiem ź ich.