Стала вядома, як загінуў расійскі генерал Кліменка: дрон дагнаў ягоны матацыкл
Адзін з інсайдарскіх тэлеграм-каналаў, прысвечаных вайне ва Украіне, апублікаваў копію дакумента, у якім, як сцвярджаецца, прыведзеныя абставіны гібелі генерал-маёра Паўла Кліменкі.
07.11.2024 / 23:33
Павел Кліменка.
Увечары 6 лістапада Кліменка разам з падначаленымі ехаў на матацыклах у горадзе Краснагораўка Данецкай вобласці, які ў верасні быў акупаваны Расіяй.
Калону разбілі пры дапамозе FPV-дронаў. Кліменка атрымаў цяжкія траўмы галавы і быў тэрмінова адпраўлены ў цэнтр траўматалогіі ў Данецку, але праз некалькі гадзін памёр.
Кліменка стаў 13-м расійскім генералам, пра чыю смерць паведамлялася з лютага 2022 года. Расійскія ўлады пацвердзілі восем з іх.