Як лічаць галасы на выбарах у ЗША? Хутка тлумачым
У Штатах нязвыклая для беларусаў сістэма.
06.11.2024 / 00:16
У ЗША дзейнічае сістэма электараў — дэлегаваных выбіральнікамі асоб, якія ўласна і абіраюць прэзідэнта. Іх колькасць у кожным штаце прапарцыйная памеру насельніцтва. Напрыклад, у самага густанаселенага штата Каліфорнія 54 электы, а ў Ваёмінга, дзе мала людзей, — 3.
Спачатку амерыканцы галасуюць. А пасля электы прадстаўляюць зроблены выбар. Калі ў штаце большасць прагаласавала за Трампа, то галасы ўсіх электаў гэтага штата будуць ягоныя. Такое правіла дзейнічае амаль ва ўсіх штатах, апроч Нябраскі і Мэна.
Усяго ў калегіі 538 электы. Каб перамагчы на выбарах, кандыдату трэба набраць больш за палову галасоў — 270 і больш.
З-за асаблівасцяў такой сістэмы часам пераможцам выбараў можа стаць кандыдат, які прайграў агульнанацыянальнае галасаванне.
Калі ніводзін з кандыдатаў не набярэ патрэбную колькасць галасоў, прэзідэнта будуць абіраць члены Палаты прадстаўнікоў.
Лічыцца, што ўсё будзе залежаць ад вынікаў у сямі хісткіх штатах — Арызоне, Джорджыі, Мічыгане, Невадзе, Паўночнай Караліне, Пенсільваніі і Вісконсіне.
Першыя выбарчыя ўчасткі закрыюцца ў 18:00 па Паўночнаамерыканскім усходнім часе (гадзіна ночы па Мінску) у аўторак, а апошнімі — у 01:00 па Нью-Ёрку (8 раніцы па Мінску) у сераду.
Калі закрываюцца ўчасткі ў хісткіх штатах? У Джорджыі — у 3 гадзіны ночы па Мінску (далей будзе таксама пазначаны беларускі час), у Паўночнай Караліне — у 3.30, у Пенсільваніі — у 4 раніцы, у Мічыгане і Вісконсіне — у 5, у Арызоне — у 6.
У Невадзе гэта можа зацягнуцца, бо бюлетэні можна дасылаць па пошце. Аднак у Пенсільваніі, Мічыгане і Вісконсіне таксама могуць быць затрымкі з падлікам.
Спачатку звычайна падлічваюць галасы з выбарчых участкаў на тэрыторыі ЗША, аддадзеныя ў асноўны дзень выбараў. Пасля — бюлетэні датэрміновага галасавання. І самымі апошнімі — галасы з выбарчых участкаў за мяжой і з вайсковых баз ЗША.
Часцей пераможца выбараў аб'яўляецца ў дзень галасавання, але падлік можа зацягнуцца і даўжэй.
Калі стануць вядомыя вынікі прэзідэнцкіх выбараў у ЗША?
На выбарчыя ўчасткі ў штаце Джорджыя прыйшлі паведамленні пра мініраванне, падазраюць Расію
На выбарах у ЗША прагаласаваў сабака ФОТА
Суд у ЗША не стаў забараняць палітычную латарэю Ілана Маска
У апошні дзень выбарчай кампаніі Трамп і Харыс правялі мітынгі ў хісткіх штатах