Minčuk addaŭ svaju kartku siabroŭcy žonki i trojčy prasiŭ jaje schadzić u kramu. Jana skrała 6000 rubloŭ
Niejki padvoch uładalnik karty zaŭvažyŭ tolki paśla treciaha razu.
04.11.2024 / 18:33
Adnojčy žančyna zajšła ŭ hości da siabroŭki. Muž haspadyni čamuści vyrašyŭ, što pieradać kartu pryjacielcy žonki i adpravić jaje ŭ kramu — dobraja ideja. Da taho ž jon na ŭsialaki vypadak nazvaŭ žančynie PIN-kod ad karty.
Siabroŭka žonki ŭ kramu schadziła, pakupki pryniesła. Ale, akramia hetaha, jana źniała z karty ŭ bankamacie 1000 rubloŭ i zabrała ich sabie, pišuć «Minsk-Naviny».
Uviečary historyja paŭtaryłasia, ale hetym razam žančyna źniała ŭžo 3000 rubloŭ. Na nastupny dzień mužčyna adpraviŭ siabroŭku žonki ŭ kramu ŭ treci raz i, sam taho nie viedajučy, straciŭ jašče 2000 rubloŭ.
Prapažu hrošaj haspadar vyjaviŭ praź niekatory čas i źviarnuŭsia ŭ milicyju. Na žančynu zaviali kryminalnuju spravu pa artykule ab kradziažy majomaści šlacham madyfikacyi kampjutarnaj infarmacyi.
Abvinavačanaja nidzie aficyjna nie pracuje, u jaje jość pahašanaja sudzimaść za padrobku mieddaviedki. Vinu jana pryznała, častku hrošaj mužu siabroŭki viarnuła. U prakuratury zajavili, što žančyna maje patrebu ŭ prymusovym lačeńni ad chraničnaha ałkahalizmu.
Ciapier z abvinavačanaj uziali padpisku ab niavyjeździe i naležnych pavodzinach.
Pradavačka kramy skrała z kasy hrošy i prajhrała ich u anłajn-kazino
Žychar rasijskaha Syktyŭkara pajedzie na vajnu za plašku harełki