U Dobrušy pastavili tumbu z cytatami Łukašenki FOTAFAKT
Dobrušskaja rajonka dała taki zahałovak artykułu: «Jak cytaty Łukašenki dapamahajuć u pracy».
02.11.2024 / 15:07
Fota: Vdobrushe.by
Tumbu pastavili ŭ vystavačnaj zale Dobrušskaj papiarovaj fabryki. Heta architekturnaja forma ŭ vyhladzie trochhrannaj pryzmy, jakaja źziaje čyrvona-zialonymi ahniami.
«Ideja stvareńnia hetaha ekspanata ŭźnikła nie spantanna. U honar 30-hodździa instytuta prezidenctva ŭ Biełarusi na fabrycy zapuścili svojeasablivy čelendž i źniali videarolik z cytatami Alaksandra Łukašenki. Pačyn padtrymaŭ hienieralny dyrektar kirujučaj kampanii chołdynhu «Biełaruskija špalery» Alaksandr Kalada. Jon i prapanavaŭ uviekaviečyć słovy Łukašenki ŭ asobnaj muziejnaj kampazicyi», — piša Dobrušskaja rajonka.
Tumba pryśviečana vizitu Łukašenki na pradpryjemstva ŭ kastryčniku 2021 hoda.
«Hetyja try cytaty Alaksandra Łukašenki na doŭhija hady zastanucca dla kalektyvu papiarovaj fabryki zaklikam da dziejańnia i svojeasablivaj darožnaj kartaj u dalejšym raźvićci pradpryjemstva», — reziumuje vydańnie.