U Minsku zdymajuć rolik pra dryft ź piłotami zamiežža. Tamu ruch transpartu buduć pierakryvać
U roznych haradach Biełarusi ŭžo bolš za tydzień viaducca zdymki proma-rolika z udziełam dryft-piłotaŭ z zamiežža. Piłoty demanstrujuć svajo majsterstva na fonie histaryčnych słavutaściaŭ, znakavych ci malaŭničych miescaŭ.
02.11.2024 / 09:59
Dajšła čarha i da Minska. Zdymki rolika z udziełam dryft-piłotaŭ ź Japonii, Aŭstralii i Brazilii buduć prachodzić z 2 pa 6 listapada. Pa ŭzhadnieńni z DAI dla hetaha buduć pierakryvać staličnyja darohi.
Dzie projduć zdymki ŭ Minsku?
Jak paviedamili ABW arhanizatary, zdymki rolika projduć:
u subotu — pablizu Čyhunačnaha vakzała i na vialikim kole la budynka Staroha aeraporta; u niadzielu — kala puciepravoda na Niamizie, raźviazki na vuł. Kamsamolskaj i raźviazki pobač z HUMam; u paniadziełak — pablizu stadyjona «Dynama», na vuł. Revalucyjnaj, Staražoŭskaj i ŭ Trajeckim pradmieści;
u aŭtorak — kala ścien Nacyjanalnaj biblijateki i «Minsk-Areny»; u sieradu — u aeraporcie.
Pahladzieć na zdymki zmohuć usie achvotnyja. Uvachod volny. Dakładny čas praviadzieńnia zdymak budzie viadomy paźniej.
Dzie zakryjuć ruch?
Pa infarmacyi staličnaj DAI, časovyja abmiežavańni ruchu transpartu buduć uviedzieny:
2 listapada (subota):
z 6:30 da 12:00 — pa vuł. Kirava; z 11:00 da 18:00 — pa kole pł. Staroha Aeraporta.
3 listapada (niadziela):
z 6:30 da 11:00 — pa vuł. Lenina ad vuł. Internacyjanalnaj da vuł. Niamihi, pa praśpiekcie Pieramožcaŭ ad vuł. Niamihi da piešachodnaha pierachodu pobač z domam №2; z 10:00 da 16:00 — pa vuł. Kamsamolskaj ad skryžavańnia z vuł. Karła Marksa da DK imia Dziaržynskaha, pa praśpiekcie Niezaležnaści ad budynka KDB da skryžavańnia z vuł. Lenina; z 15:00 da 18:00 — pa praśpiekcie Niezaležnaści ad skryžavańnia z vuł. Kamsamolskaj da skryžavańnia z vuł. Enhielsa, pa vuł. Lenina ad skryžavańnia z vuł. Karła Marksa da kramy zajezdu na dvarovuju terytoryju doma №6.
4 listapada (paniadziełak):
z 8:30 da 12:00 — pa vuł. Kirava ad doma №17 da doma №35, pa vuł. Kamsamolskaj ad vuł. Karła Marksa da vuł. Kirava; z 12:00 da 14:30 — pa vuł. Kamsamolskaj ad vuł. Karła Marksa da skryžavańnia z vuł. Revalucyjnaj, pa vuł. Revalucyjnaj ad vuł. Kamsamolskaj da vuł. Haradski Vał; z 15:00 da 18:00 — pa vuł. Staražoŭskaj ad vuł. Staravilenskaj da doma №33/2.
5 listapada (aŭtorak),
z 7:00 da 9:30 — pa vuł. Žaśminavaj ad skryžavańnia z vuł. Piatra Mścisłaŭca da druhoha skryžavańnia z vuł. Piatra Mścisłaŭca, pa vuł. Žaśminavaj ad druhoha skryžavańnia z vuł. Piatra Mścisłaŭca da praśpiekta Niezaležnaści.
U subotu i niadzielu ŭ Minsku mocna źmieniacca maršruty hramadskaha transpartu