Futbalistam zbornaj Biełarusi ŭsio ž taki adkryli brytanskija vizy na matč u Paŭnočnaj Irłandyi
Hulnia Lihi nacyj, jaki i płanavałasia, projdzie ŭ Biełfaście.
01.11.2024 / 20:42
Fota: BFF
Futbalisty zbornaj Biełarusi ŭsio ž atrymali brytanskija vizy dla vyjezdu ŭ Paŭnočnuju Irłandyju.
15 listapada ŭ Biełfaście pavinien prajści matč Lihi nacyj. Adnak brytanskija žurnalisty paviedamlali, što hulnia moža prajści na niejtralnym poli, pakolki ŭ biełarusaŭ uźniknuć prablemy z atrymańniem vizaŭ.
Tym nie mienš, pytańnie ŭ vyniku było vyrašana, raskazaŭ namieśnik staršyni BFF Andrej Vasilevič.
«Usie atrymali vizy, matč adbudziecca ŭ Biełfaście, usio vydatna, jak i płanavałasia. Byli drobnyja pytańni, ale vynik taki. Biez vyklučeńnia ŭsie, na kaho padavali, atrymali vizy», — raskazaŭ funkcyjanier.
Paśla čatyroch turaŭ u dyvizijonie C Lihi nacyj zbornaja Biełarusi zajmaje druhoje miesca ŭ hrupie 3. U aktyvie kamandy šeść bałaŭ pry adnoj pieramozie i troch ničyjnych vynikach. Paŭnočnairłandcy lidzirujuć u hrupie ź siamiu bałami.
Zbornaja Biełarusi znachodzicca ŭ čaćviertym košyku na losavańnie adboru na čempijanat śvietu — 2026
Biełaruś zhulała ŭničyju ź Luksiemburham
Biełaruski telekanał nabyŭ pravy na pakaz matčaŭ pad ehidaj UEFA
BFF prezientavała novuju formu nacyjanalnaj zbornaj. Nie abyšłosia biez nalotu siłavikoŭ