U Kiraŭskim rajonie chłopiec ź pnieŭmatyčnaha pistaleta trapiŭ u voka 15-hadovaj dziaŭčynie
Incydent adbyŭsia ŭviečary 30 kastryčnika.
01.11.2024 / 11:09
Pieršakurśnicy kaledža viartalisia z zaniatkaŭ u internat. U hety ž čas niepadalok ad ich razmaŭlali pamiž saboj troje chłopcaŭ. Starejšy z kampanii maładych ludziej vyrašyŭ źviarnuć na siabie ŭvahu dziaŭčat i staŭ vychvalacca pistaletam, jaki napiaredadni ŭ jaho doma pakinuŭ pryjaciel, paviedamlaje SK.
Jon zrabiŭ niekalki strełaŭ u napramku dziaŭčat, na što adna ź ich rezka adreahavała, pamiž imi zaviazałasia słoŭnaja svarka.
Adyšoŭšy dalej ad chłopcaŭ, jany prysieli na prystupki hanka, adnak małady čałaviek nie sunimaŭsia, a zatym znoŭ streliŭ u ich bok niekalki razoŭ. U hety momant adna ź dziaŭčat zakryła tvar rukami i zakryčała.
Z traŭmaj voka jana była špitalizavanaja.
Śledčym praviedzieny ahlad miesca zdareńnia, apytanyja fihurant i vidavočcy, kanfiskavany pistalet, pryznačany šerah ekśpiertnych daśledavańniaŭ.