Hurt Zui vypuskaje pieršy biełaruskamoŭny albom Arka
Alena Zuj-Vajciachoŭskaja, viadomaja biełarusam jak Alena ŽałudOk, vykanaŭca «Ščučynščyny», i Michaś Zuj — kupałaviec i akcior Čynčynčeneł, abjadnalisia ŭ hurt Zui vypuskajuć pieršy biełaruskamoŭny albom Arka. Pra heta «Miedyjazonie» raspaviali ŭdzielniki muzyčnaha hurta.
31.10.2024 / 15:25
Nad hučańniem alboma Arka pracavaŭ hukarežysior Vital Kuleŭski, u supracy ź jakim raniej źjavilisia albomy hurtoŭ ili-ili, «Dziecidziaciej» i pieršy albom Zui «Vopros».
«U scenarnaj spravie jość taki termin — arka piersanaža. Jon aznačaje šlach, što prajšoŭ hieroj, jahonuju transfarmacyju. Tak stałasia, što niekatoryja pieśni z našaha alboma my napisali daŭno, u Biełarusi. Tady my byli tolki na pačatku tych transfarmacyj, što z nami adbylisia. I pra heta naš albom — stan čałavieka na parozie pieramien.» — kaža Michaś Zuj.
U paraŭnańni z debiutnym albomam «Vopros», novy albom bolš zmročny i bolš tancavalny. Ahresiŭny bit spałučajecca ź piaščotaj śpievaŭ, a nastalhičny sincivejv — jak adhałosak junactva, padkreślivaje iraničnaść tekstaŭ.
«Hety albom — suviaź ź minułym, heta taja arka, što spałučaje nas ciapierašnich z nami, jakimi my byli da emihracyi i vajny.» — dadaje Alena.
Albom Arka źjavicca na stryminhavych płatformach 1-ha listapada.