Piensijanier adpraviŭ bolš za 18 tysiač rubloŭ dziaŭčynie z sajta znajomstvaŭ — akazałasia, heta byŭ chłopiec
Pažyły žychar Minska zarehistravaŭsia na sajcie znajomstvaŭ i trapiŭ u pastku.
31.10.2024 / 12:02
Foto: vecteezy / andrewangelov
Profil na tematyčnym sajcie 74-hadovy minčuk zavioŭ u mai. Tam jamu spadabałasia adna ź dziaŭčat, zaviazałasia pierapiska.
Razmaŭlali jany kala čatyroch miesiacaŭ. Piensijanier kuplaŭ u surazmoŭnicy intymnyja fota, pieraličvaŭ hrošy za abiacańni chutkaj asabistaj sustrečy i ŭ doŭh nibyta na budaŭnictva kvatery.
Usiaho mužčyna ździejśniŭ 141 pieravod na sumu nie mienš za 18 tysiač rubloŭ. U niejki momant pra heta daviedaŭsia jaho syn: jon zapadozryŭ niadobraje i vyrašyŭ źviarnucca ŭ milicyju.
Siłaviki ŭstanavili, što ŭsie hrošy piensijanier pieraličvaŭ na bałansy anłajn-hulniaŭ i kazino, a ad imia žančyny ź im mieŭ znosiny 26-hadovy žychar Zavodskaha rajona stalicy. U
Zaviedziena kryminalnaja sprava za machlarstva ŭ bujnym pamiery.